“Mera naam Sonu hai, mai Khairpur gujjar me rehta hun. Private naukri mein hum jaise logon ko koi medical suvidha nahi milti, bas din-raat kaam karte hain. Hamesha darr laga rehta tha ki agar koi accident ya badi bimari ho gayi, toh saari savings chali jayegi aur parivaar sadak par aa jayega. NPCL ke camp mein aake mujhe Ayushman Bharat Yojana ke baare mein sahi jaankari mili aur bhaiya logon ne turant mera registration bhi kar diya.
Ab jeb mein ye 5 lakh ka suraksha kawach (Ayushman card) hone se ek alag hi confidence aa gaya hai. Lagta hai ki agar bura waqt aaya toh hum akele nahi hain. NPCL ne humare gaon Khairpur Gujjar mein aake jo ye suvidha di hai, uske liye dil se thank you.”
Sonu
Beneficiary, Project Shashakt Abhiyan
Khairpur Gujjar Village